Gara KUPA “PAVARËSIA 18”
Garë tradicionale në nder të Ditës së Pavarësisë së Kosovës
Në kuadër të aktiviteteve për shënimin e 17 Shkurtit – Ditës së Pavarësisë së Republikës së Kosovës, u organizua me sukses gara tradicionale “Kupa Pavarësia-18”, një ngjarje tashmë e përhershme në kalendarin sportiv të qitjes.
Kjo garë mbahet çdo vit në nder të Pavarësisë së Kosovës, duke bashkuar sportistë dhe federata mike në frymën e bashkëpunimit, respektit dhe miqësisë sportive.
Në këtë edicion morën pjesë:
Federata e Shenjëtarisë Sportive e Kosovës
Federata Shqiptare e Qitjes
Federata e Qitjes e Maqedonisë së Veriut
Rezultatet sipas kategorive – Standarde
PISTOLETË STANDARDE – FEMRA
🥇 Manjolla Konini (ALB) – 553 pikë
🥈 Aida Mustafai (ALB) – 538 pikë
🥉 Doela Celaj (ALB) – 535 pikë
PISTOLETË STANDARDE – MESHKUJ
🥇 Nexhat Sahiti (KOS) – 570 pikë
🥈 Henri Rrufa (ALB) – 531 pikë
🥉 Sabri Krasniqi (KOS)– 527 pikë
PUSHKË STANDARDE – FEMRA
🥇 Anastasija Mojsovska (MKD) – 616.5 pikë
🥈 Dhurata Ibrahimi (KOS) – 608.5 pikë
🥉 Urata Rama-Gagica (KOS) – 596.9 pikë
PUSHKË STANDARDE – MESHKUJ
🥇 Martin Angeleski (MKD) – 619.8 pikë
🥈 Nikolla Blazevski (MKD) – 614.5 pikë
🥉 Drilon Ibrahimi (KOS) – 612.3 pikë
Të pranishmit i përshëndetën me nga një fjalë rasti:
• Kryetari i Federatës sé Shenjëtarisé së Kosovés, z. Gezim Hazrolli
• Presidenti i Federatës Shqiptare të Qitjes, z. Stefan Rrufa
• Përfaqësuesi i Federatës së Qitjes së Maqedonisë së Veriut, z. Jane Dzingov
Në fjalimet e tyre u theksua rëndësia e bashkëpunimit ndërmjet federatave, avancimi i sportit të qitjes dhe forcimi i marrëdhënieve sportive ndërmjet vendeve tona.
Kupa e Pavarësisë në këtë edicion iu nda Ekipit Shqiptar, si rezultat i paraqitjes së shkëlqyer dhe suksesit ekipor.
Gjatë ceremonisë përmbyllëse u ndanë gjithashtu certifikata mirënjohjeje dhe shpërblime për garuesit më të mirë, duke vlerësuar përkushtimin, profesionalizmin dhe rezultatet e arritura në këtë garë tradicionale.
“Kupa Pavarësia 18” vazhdon të mbetet simbol i unitetit sportiv dhe respektit ndërmjet federatave tona, duke dëshmuar se sporti është ura më e fortë e bashkëpunimit dhe miqësisë.
Urime të gjithë pjesëmarrësve dhe fituesve!
