NGA E KALUARA E DHIMBSHME, DREJTË SË ARDHMES SË NDRITSHME
Historia e Federatës së Shenjëtarisë së Kosovës mishëron vendosmërinë, qëndrueshmërinë dhe fuqinë unifikuese të sportit. Nga fillimet e saj modeste e deri te vlerësimi ndërkombëtar, historia e federatës shërben si një testament frymëzues për potencialin e unitetit, pasionit dhe kërkimit të madhështisë. Me përkushtim dhe qëndrueshmëri, federata kapërceu pengesat fillestare. Trajnerët vendas punuan pa u lodhur për të zhvilluar aftësitë e sportistëve të rinj të këtij sporti.
MISIONI JONË
Zhvillimi dhe mbështetja e klubeve të shenjëtarisë sportive në Kosovë, avancimi i shenjëtarisë sportive në Kosovë dhe zbulimi i talentëve të rinj në këtë sport janë qëllimet parësore të kësaj federate.
VIZIONI JONË
FSHSK ka për synim ngritjen e cilësisë së shenjëtarisë sportive dhe arritjes së rezultateve kulmore, duke përfshirë edhe Lojërat Olimpike.
KUSH JEMI NE?
FSHSK është e vetmja Federatë e autorizuar për organizimin e sportit të shenjëtarisë në Kosovë.
Si nivel kombëtar i organizimit të shenjëtarisë sportive, Federata e Shenjëtarisë Sportive e Kosovës është vazhdimësi e Lidhjes së Shenjëtarisë në Kosovë, e themeluar në Prishtinë më 06 Mars 1948.
Metoda e punës së organizatës
FSHSK është e vetmja Federatë e autorizuar për organizimin e sportit të shenjëtarisë në Kosovë dhe si e tillë, FSHSK është themeluese dhe anëtare me të drejta të plota e Komitetit Olimpik të Kosovës (KOK), si dhe është anëtare me të drejta të plota e Konfederatës Evropiane të Shenjëtarisë (ESC), që nga 19.08.2015, dhe Federatës Ndërkombëtare të Shenjëtarisë Sportive (ISSF), që nga 09.09.2015.
Misioni i FSHSK-së është që të promovojë dhe udhëheq zhvillimin e sportit të shenjëtarisë në tërë territorin e Republikës së Kosovës, pa diskriminim të çfarëdo lloji, si dhe të forcojë lidhjet e miqësisë dhe bashkëpunimit me Federatat e tjera brenda KOK-ut, si dhe me Federatat e ngjashme të vendeve tjera, brenda ESC-së dhe ISSF-së, duke u mbështetur në parimet themelore të olimpizmit, siç janë përcaktuar në Kartën Olimpike
Synimi i organizatës
FSHSK ka për synim të vazhdueshëm ngritjen e cilësisë së shenjëtarisë sportive dhe arritjes së rezultateve kulmore, duke përfshirë edhe Lojërat Olimpike.
FSHSK funksionon duke marrë parasysh qëllimet e përcaktuara me Statut, shprehimisht zotohet se do të punojë për arritjen e qëllimeve të mëposhtme:
Masivizimi, zhvillimi cilësor dhe organizimi i Shenjëtarisë sportive në Kosovë;
Sigurimi i kushteve për veprimtarinë e të gjitha kategorive të përfaqësueses kombëtare të FSHSK-së;
Avancimi profesional i garuesve, trajnerëve, gjyqtarëve, dhe akterëve tjerë në sportin e shenjëtarisë;
Sigurimi i ndihmës për organizatat dhe subjektet tjera që kanë për qëllim promovimin e sportit të shenjëtarisë, në përputhje me aktet normative të FSHSK-së;
Organizimi i veprimtarisë sportive në shenjëtari për të gjitha kategoritë dhe gjinitë, si dhe përcaktimi i sistemeve të garave për të njëjtat;
Avancimi i shenjëtarisë sportive përmes pjesëmarrjes në gara dhe evenimente ndërkombëtare;
Mbështetja e zhvillimit të shenjëtarisë sportive në tërë territorin e Kosovës, me theks të veçantë në vendet ku ajo është më pak e zhvilluar;
Organizimi i kampeve, seminareve, punëtorive, publikimeve profesionale, etj. me qëllim të avancimit të shenjëtarisë sportive;
Sigurimi i bazës materiale për zhvillimin e veprimtarisë së FSHSK-së, si dhe për mbështetjen e klubeve dhe anëtarëve të saj;
Luftimi i përdorimit të dopingut dhe substancave të ndaluara, në përputhje me aktet normative të KOK-ut, ISSF-së, dhe me Rregulloren për Anti-Doping të FSHSK-së;
Adoptimi dhe promovimi i vlerave olimpike.
Federata nuk kufizohet në ndërmarrjen e veprimeve vetëm për arritjen e caqeve të përcaktuara në paragrafin e parë të këtij neni.
Partnerët tonë
