Garë e veçantë në nder të përvjetorit të Pavarësisë së Republikës së Kosovës.
Me 23 Shkurt 2025 është organizuar gara Kupa Pavarësia 17, një garë që simbolizoi jo vetëm përkushtimin tonë të devotshëm ndaj sportit, por edhe bashkëpunimin e ngushtë mes Federatave mike.
Pjesë e garës u mirëpriten Federata Shqiptare e Qitjes Sportive dhe Federata e Shenjtarisë Sportive të Maqedonisë, të cilat, së bashku me Federatën e Shenjëtarisë Sportive të Kosovës, krijuan një atmosferë garuese të nivelit të lartë duke nderuar përvjetorin e pavarësisë të mbushur me frymën e sportivitetit.
Ky event dëshmoi edhe një herë rëndësinë e bashkëpunimit mes Federatave tona, i cili dha mundësi për të forcuar lidhjet dhe për të krijuar mundësi të reja për zhvillimin e mëtejshëm të sportit të shenjëtarisë sportive.
Federata e Shenjëtarisë Sportive të Kosovës i falenderon të gjithë pjesëmarrësit për angazhimin dhe pasionin e treguar gjatës kësaj gare tejet e rëndësishme për kombin tonë.

Rezultatet e arritura të garës Kupa Pavarësia 17 janë:
- Pushkë – Femra:
Vend I – Anastasija Mojsovska (MKD) me 625.0 rrathë;
Vend II – Urata Rama (KOS) me 590.1 rrathë;
Vend III – Najka Mustafa (ALB) me 585.3 rrathë.
- Pushkë – Meshkuj:
Vend I – Martin Angeleski (MKD) me 627.6 rrethë;
Vend II – Drilon Ibrahimi (KOS) me 614.2 rrathë;
Vend III – Petrit Abdyli (KOS) me 606.8 rrathë.
- Pistoletë – Femra:
Vend I – Manjolla Konini (ALB) me 548 rrathë;
Vend II – Bilijana Karagjorgjeva (MKD) me 544 rrathë;
Vend III – Marija Shindeva (MKD) me 522 rrathë.
- Pistoletë – Meshkuj:
Vend I – Nexhat Sahiti (KOS) me 575 rrathë;
Vend II – Orion Dautaj (ALB) me 541 rrathë;
Vend III – Fatjon Hoxha (ALB) me 541 rrathë.
Për të gjithë ju që ishit pjesë e garës, ju falenderojmë për pjesëmarrje dhe ju urojmë rezultatet e merituara!


